Addò stamme

Propr’int’o core d’o core ’e Napule , a vvinte metre ’a piazza Plebbiscito. Figurateve ca a dduje passe ce stanno ’o Palazzo Riale, a Bibblioteca Nazionale, ’o San Carlo, ’a Galleria Umberto, e quatte triate: ll’Augusteo, ’o Politeama, ’o Sannazzaro e ’o Mercadante. E nunn è ffernuta: ll’Istituto Italiano di Studi Filosofici, ’o Maschio Angioino, ’o Castel dell’Ovo e via Caracciolo, c’o Borgo Marinari, ’a Villa Comunale e ll’Acquario – mo’ int’a uno e mo’ int’a n’ato ’e chisti pizzi ce sta sempe quacche mostra. Attuorn’all’albergo nun ponno passà machine, accussì se cammina ’ngrazzi’e Ddio. Ve putite fà ’na passejata pe’ via Dei Mille, ’na strada troppa scicca, o a Tuledo, addò truvate ’nu sacco ’e magazzine nun tanto carestuse. Ve putite piglià ’a funicolare (stammo ’o naso e ’a vocca) e saglite ’ncopp’o Vommero: ’a coppa Sant’Elmo putite vedé tutt’a città (è ’nu spettacolo ca ve lassa c’a vocca aperta), o trasì int’o museo ’e San Martino, c’a Certosa. ’E «Decumani» (Napule greca e Napule romana, robba ca pe’ ll’UNESCO è comme ’nu «Museo all’aria aperta», o cchiù bello d’o munno) ’e ttruvate arreeto a via Toledo. Si po’ vulit ’ì a Capri, a Ischia, a Surriento e a Pprocida, facite a ppere overo cinche minute e ve ’mbarcate ’a ’o Molo Bbeverello. ’A pizza Margherita? E chella l’ha ’nventata ’a pizzeria Brandi ca sta proprio sott’a ddu nuje.