Che ato se pò ffa

A Napule, quanno ce venite venite, ce sta sempe quaccosa ’a vedé. A Natale, ’e pasture ’e San Gregorio Armeno; all’urdemo e ’ll’anno ’e fuoche e ’a museca a Piazza Plebbiscito, e ve pigliano pure pe’ ttelevisione, e nun te scurdà 'o museo .A primmavera, ’o mese ’e maggio, s’arapeno tutt’e musei, pure chille ch’a vvote stanno ’nchiuse; se cammina a ppere.Quann’è all’estate, a ppart’o mare e ’o sole, ce stanno ’e cinema all’aperto e ’e spettacule int’e triate antiche. A ssettembre, ’o diciannove, ’o miraculo ’e san Gennaro e ’a prucessione.’O museo ’e Capemonte, ca mo’ hanno pure accunciato, fa mostre overo bbelle.Pe’ ll’arte ’e mo’, il PAN e il MADRE ; ma pure ’e stazione d’a Metropolitana.Napule Sotterranea è ’nu mistero addò ognuno po’ buttà n’uocchio.’O Tesoro ’e S. Gennaro, co’ tutt’e bbelli ccose ca ’e napulitane hanno rialate a ’o santo lloro.’O sabbato e dummeneca ’e’ll’ultime ddoje settimane d’o mese, int’a Villa Comunale, fanno nu bellu mercatino ’e cose antiche e bbecchie.Vuje ve credite ch’è fernuto? Manco si che: si nun ce crerite venite a vedé.