Che ato se pò ffa

Cammenanno n’atu ppoco …

 
Si tenite ggenio ve putite fa n’ati dduje passe e pe quacche chilometro ve facite ’na passiata p’a strada ca parte da Piazza Plebiscito e arriva fino ’a sagliuta pe’ Pusilleco, sempe vicin’o mare. Vedite Santa Lucia e ’o buvero d’e piscature . Se vere tutt ’o panorama ’e Napule: da Surriento a Marechiaro.

Ve putite fermà a guardà o Castel dell’Ovo, Pizzofalcone e ’a Villa Comunale, cu ll’acquario canusciuto pe ttutt ’o munno. Po’ arrivate a Margellina: tutt’o munno ha sentite canzone e poesie ca parlano e Margellina o ha viste quadre ’e tutte ll’epoche. Si nun tenite ggenio ’e cammenà, ve pigliate ’nu bell’autobbus a Piazza Trieste e Trento e ve ne saglite fino ncoppa ’o bosco ’e Capemonte: int’ o bosco ce sta o Museo.