Che ato se pò ffa

’E teatre ’e Napule

Se dice – e ’overo è – ca a Napule ogni strada ogni piazza ogni viculo è ’nu tiatre: ’e meglie artiste napulitane, comme a Eduardo e a Totò, nun pare mai ca recitano. Pare comme si facessero vedé ’a vita ’e Napule.

Ma nce stanno pure ’e teatre ’overo : ’o cchiù canusciuto è ’o San Carlo e se trova a ciente metre dall’Hotel Chiaja de Charme. L’opera lirica italiana è nata llà ’o Setteciento comme sanno tutte quante. Proprio int’a stessa via nosta ’nce sta ’o Sannazzaro addò hanno fatto ’e ccummedie ’e Scarpetta (Miseria e nobiltà e Un turco napoletano, pe ce capì) cu ’e ttre frate: Eduardo Peppino e Titina De Filippo. ’Nu poco poco chiù llà a Piazza Municipio truvate ’o Mercadante: ’a poco ll’anno accunciato e llà d’o Setteciento nc’anno fatto sempe opere in italiano. ’O Bellini, ca sta d’e pparte d’o Museo Nazionale, ’a poco ha accumminciato a fà spettacule mpurtante, ’e prosa e ’e musica.