'O VESUVIO
'Nu vulcano ancora vivo 'ncoppa 'a costa d' 'o golfo 'e Napule a nove chilometre a est d'a città. Forse è 'a cosa chiù 'mpurtante 'e tutto 'o golfo.
É canusciuto pe' ll'eruzione d'o 79, chella ca distrugette Pompei e Ercolano. Ce so state ati eruzione. Mò 'e tutte 'e vulcane d' o munno è chillo ca fa cchiù paura: sott' o Vesuvio campano quase 'nu milione 'e persone.
L'eruzione nun songo tutte tal'e quale, ce stanno le Pliniane ('o scrittore ca nne parlaje se chiammava Plinio il Giovane – 'o zio, Plinio il Vecchio, p'a sturià troppo 'a vicino nce rimanette). Chella vota addirittura 'a cennere cummigliaje tutta ll'Europa meridionale, ati vvote ('o 472 e 'o 1631) arrivaje fino a Costantinopoli.
Da 'o 1944 nun s'è fatto chiù sentì.
Mo' attuorne'o Vesuvio 'nce sta 'nu Parco Nazionale. 'O Vesuvio se po' vvisità fino a 'ncoppa 'a cimma. A nu cierto punto s'adda lassà a machina e s'adda fa' 'na sagliuta 'e duiciente metre a ppère
