Proprio addò cchiù sbatte ’o core ’e Napule ce stà ’nu pizzo commodo e ffino addó se sta overo ’ngrazia e Ddio (…). Songo già assaje ’e turiste ca ce cunoscene. Modestia a pparte, facimmo ’e ccose a regola d’arte. ’E palazze cchiù belle ’e quanno steveno ’e Borbone stanno tuorno tuorne all’albergo nuosto: Palazzo Riale, e piazza Plebiscite. Attuorno a Piazza Pebiscito ’e nobbile se faceveno custruì ’e ccase e ognuno faceva cos’e pazze pe s’a fà chiù bella ’e tutte ll’ate. Perciò tutt’e palazze ca stanno ’a chesti pparte songo uno meglio ’e n’ato. Pare cumme si fosse, dicimmo accussì, ’na città int’a città. Pure ’e Savoia hanno lassato ’o ricorde ’e quanno ce so state lloro. Chi se vo’ sturià tutt’e regnante, abbasta ca se fa ’nu giro int’a Galleria Umberto, sempe a dduje passe ’a nuje. So’ dduiciente anne ca Chiaja è sempe tal’e quale, splendida comm’a ssempe, comme si ’o tiempo nun fosse maje passato. E ’a zona sta sotto ’a prutezzione dell’Unesco.
